Dy pallate janë shembur në qendër të qytetit, pak orë larg njeri tjetrit. Është kjo ajo që ka ndodhur këtë të hënë në Marsejë të Francës, ku dy persona janë plagosur, ndërkohë që vijon kërkimi nën rrënoja për viktima apo të plagosur.
Zjarrfikësit thonë se brenda pallateve në momentin e shembjes, mund të ketë pasur deri në 12 persona.
Ndërkohë autoritetet këshillojnë banorët, që të shmangin zonën për arsye sigurie.
Pallatet, njëri katër dhe tjetri pesë katësh, ndodheshin në zonën e Aubagne.
Dyshohet se shembja e pallateve ka ardhur për shkak të vjetërsisë së tyre, ndërsa njëri prej tyre ishte shpallur në rrezik shembje, prej disa ditësh. Ndërkohë në tjetrin jetonin disa familje.
Dyshohet se reshjet e ditëve të fundit, kanë ndikuar edhe më shumë për shembjen e godinave.
