Një grua obeze e cila nuk pranoi të humbte peshë nëpërmjet operacioneve, edhe pse i thanë se do të vdiste brenda një viti nëse nuk hiqte kilogramët e tepërt, është shpallur femra më e hollë në botë.
Maxine Wren, nga Chester-le-Street në Qarkun e Durhamit, ka rënë plot 108 kilogramë vetëm duke ndryshuar dietën e saj.
Pesë vite më parë asaj i dhanë disa tableta për rënien në peshë si dhe i sugjeruan një bypass në stomak. Ajo e refuzoi operacionin dhe u bashkua me grupin e saj vendor “Slimming World” me një peshë fillestare prej 178 kilogramë, në mars të vitit 2013.
39-vjeçarja ka patur probleme me shëndetin që e vogël pasi ka lindur me një problem të rrallë të kockave, e cila prekte lëvizjen e saj dhe nënkuptonte që ajo do të lëvizte me paterica.
Për të larguar dhimbjen e sëmundjes, ajo pati ushqimin si mbështetje dhe e humbi kontrollin e peshës së saj. Ajo ka treguar se njerëzit e shikonin çuditshëm në rrugë dhe kjo e bënte atë që të mos bënte miq të rinj sepse kishte frikë nga paragjykimet.
Por pasi mori vesh se motra e saj ishte shtatzënë, edhe Maxine vendosi që të bënte një ndryshim rrënjësor te vetja e saj.
“Te “Slimming group” ndihesha mirë pasi kisha miqësi të vërtetë. Që në javët e para humba 5 kilogramë. Aty kuptova se ka dritë në fund të tunelit”, ka thënë ajo.
Maxine gjithashtu ka patur kujdes edhe me ushqimet, duke qenë se edhe vetë është një infermiere ka bërë një dietë të shëndetshme.
Në gusht të vitit 2016 ajo bëri dasmën e ëndrrave me bashkëshortin John. “Fjalët nuk mund ta përshkruajnë se sa e lumtur isha se po shkoja drejt altarit me gjysmën e peshës që kisha dikur. Për herë të parë në jetën time, kur u pashë në pasqyrë më pëlqeu vetja. U ndjeva si një princeshë në ditën time të dasmës”, ka thënë ajo.
Edhe pse sëmundja e saj do të thotë që nuk mund të bëjë shumë ushtrime, 39-vjeçarja ishte më aktive se kurrë dhe ndihej mirë se mund të luante me nipin e saj të vogël.
“Uroj të kem ndikuar te njerëzit për t’u thënë se nuk ka asnjë numër i madhe peshe që nuk mund të hiqet. Gjithçka ndryshon. Nuk fshihem më. Gjithmonë them se “Slimming Worlf” jo vetëm më shpëtoi jetën, por më dha edhe jetë”, ka përfunduar Maxine.
