Boksieri Italian, Christian Daghio, ka vdekur në moshën 49-vjeçare pas një dueli në ring kundër Don Pareuangit për titullin e kampionit në Tajlandë.
Gjatë rundit të fundit të meçit mes këtyre të dyve, Daghio pësoi disa goditje të rënda nga Don Pareuang, të cilat përfunduan me një nokaut. Ky ishte edhe nokauti fatal për legjendën Christian Daghio.
Përveç që e humbi mundësinë të shpallej kampion i botës, ai menjëherë u dërgua në spital pas këtij nokauti, ku për dy ditë mbeti në gjendje kome.
Dy ditë më vonë, ai ndërroi jetë pasi nuk arriti të shërohej nga dëmtimet serioze të trurit.
