Analisti Afrim Krasniqi ka kritikuar shfaqjen në emisionin ‘Opinion’ të Sandër Lleshit një javë më para,ku foli me gjuhën e ministrit të Brendshëm.
“Kandidati për ministër bëri një gafë dhe gafën e bëri në studion tuaj. Është rasti i dytë në tranzicion që një person pa u dekretuar, pa u betuar, pa marrë detyrën flet si ministër del e flet si minister. Sjellja institucionale ishte e gabuar”, pohoi Krasniqi.
Kandidatura e Lleshit u refuzua nga Presidenti Ilir Meta, pasi sipas tij nuk plotëson standartet për këtë post. E menjëhershme ishte përgjigja e kryeministrit Rama, i cili e emëroi si zv/ministër të Brendshëm, duke i zënë vendin Fatmir Xhafajt.
