Pesë persona janë arrestuar për drogë në Empoli dhe San Miniato. Mediat fqinje raportojnë se 3 nga 5 të arrestuarit janë nga Shqipëria.
Policia italiane vijon aksionin për parandalimin, goditjen dhe sekuestrimin e lëndëve narkotike, operacione këto që kanë përfunduar me prangosjen e disa personave. Shqiptarët posedonin sasi drogash të ndryshme si marijuanë, kokainë, por edhe materiale të tjera të paligjshme.
Autoritete nuk kanë dhënë detaje për mediat ne lidhje me identitetin e shqiptarëve, por hetimet ndërkohë vijojnë në goditjen e rasteve të tjera.
Tre shqiptarët e arrestuar por edhe dy të tjerët shisnin kokainë të një cilësie të lartë, ndërsa klientët dyshohet se i kishin të zgjedhur.
