Prokuroria e Rrethit Gjyqësor Tiranë ka apeluar vendimin e gjykatës për masën e sigurimit për Ervis Martinajn. Burime pranë organit të akuzës janë shprehur se nuk janë dakord me afatin e caktuar nga gjykata.
Sipas argumentit të prokurorisë, rrezikshmëria e veprave të kryera nuk justifikojnë vendimin e dhënë nga gjykata, i cili është haptazi në kundërshtim me ligjin dhe provat e administruara.
Gjykata e Krimeve të Rënda ka dhënë masën e sigurisë “30 ditë burg” për shtetasin Ervis Martinaj pas ngjarjes së ndodhur në ish-Bllok, ku mbeti i vrarë një person dhe u plagosën dy të tjerë, mes tyre edhe Martinaj.
Ndërsa organi i akuzës ka kërkuar burg pa afat.
