Një shtetas nga Maqedonia është ndaluar nga autoritetet italiane, pasi iu gjet një sasi droge në makinë.
Kanë qenë efektivët e Guardia di Finanza-s të Ponte Chiasso-s, në bashkëpunim me zyrtarët doganorë, të cilët gjatë kontrollit rutinë të kryer në pikën e kalimit në Brogeda, në hyrje të territorit italian, kanë zbuluar dhe sekuestruar në një BMW seria 7, një sasi kokaine.
Mediat e vendit fqinj shkruajnë se i arrestuari është një 40-vjeçar, me shtetësi maqedonase dhe banim në Itali.
Ai u tha efektivëve se kishte ardhur nga Itali dhe do të shkonte në Shqipëri. Por gjatë kontrollit iu gjet në makinë një sasi prej 3 kilogramësh kokainë, e ndarë në tre paketime.
