Këtë të shtunë, në programin “Shiko kush luan” të Luana Vjollcës ishte i ftuar një nga reperat më të diskutuar të momentit, Fero.
Në një sfidë që e vinte përballë reperave të tjerë shqiptarë, Fero nuk ngurroi të tregohej i sinqertë se më kë nuk do bashkëpunonte kurrë, kush ka tekstet më të këqija, me kë mund të pranonte një bashkëpunim, kush nuk e meriton famën që ka, etj.
I pajisur me një pushkë “paint ball” ai duhet të qëllonte fotot e tyre pasi të dëgjonte pyetjet drejtuar nga Adi Pojana.
Fero zbuloi inatet me dy vëllezërit që janë larguar nga “On Records”, Getinjo dhe Mozzik. Pyetjes se cili është reperi që nuk do bashkëpunoje kurrë, ai iu përgjigj duke “qëlluar” Getinjon , ndërsa pyetjes se cili prej tyre duhet ta lërë këtë profesion, Fero zgjodhi S4MM, të cilin e qëlloi edhe shumë herë të tjera.
I pyetur se cili është reperi më i mirë, Fero zgjodhi Getoar Selimin. Për tekstet me më shumë mesazhe, Fero zgjodhi Unikatilin, e përsa i përket pyetjes se me cilin prej tyre do të donte të kishte një bashkëpunim, Fero zgjodhi Ledri Vulën.
