Princi Charles dhe bashkëshortja e tij Camilla Parker Bowles kanë fluturuar në Afrikë për një turne mbretëror.
Trashëgimtari i fronit dhe gruaja e tij udhëtuan me një avion të mahnitshëm që ka dhoma gjumi, dhomat ndenjjeje e madje edhe çezma prej ari.
Përveç kësaj, avioni ka një kabinë dushi, një krevat dopio, një zyrë private dhe një dhomë takimi.
Ai është gjithashtu i pajisur me dy ekrane prej 42 inçësh dhe pesë ekrane më të vegjël 21 inç, si dhe ekraneve tetë e 10 inç në krahët e ulëseve.
Pasagjerët në bordin e avionit luksoz, mund të gëzojnë aksesin e WIFI, një aparat kafeje Nespresso dhe telefona satelitorë.
Aeroplani ka edhe një konfigurim të ndryshëm për fluturimin e natës – me mjetin fluturues që shndërrohet në një hotel me 19 krevate tek dhe një krevat dopio, 10 ulëse që shtrihen, pesë me mbështetëse të pjesshme, një divan që hapet dhe një divan fiks.
Princi i Uellsit dhe Dukesha e Cornwall u fotografuan duke zbritur nga aeroplani në aeroportin ndërkombëtar të Banjul në Gambi.
Ata u përshëndetën nga një mirëseardhje ceremoniale mbi qilimin e kuq nga kërcimtarë dhe personalitete të vendit mikpritës.
Çifti tani do të vizitojë Gambinë, Ganën dhe Nigerinë në emër të qeverisë britanike, përpara se të kthehet në Londër për ditëlindjen e 70-të të Karlit, më 14 nëntor.
