Një vajzë 12-vjeçare ndërroi jetë të shtunën e kaluar duke u përpjekur të shpëtojë qenin e saj, i cili u gjend në mes të një rruge me makina.
JennaRae Goodbar u godit nga një makinë me bashkë me qenushin “Chase” dhe, për asnjërën, fati nuk u tregua bujar…
Incidenti ndodhi në Lexington të Virxhinias, ku vajza po stërviste qenin e saj për të qëndruar jashtë shtëpisë.
Chase filloi të vraponte dhe JennaRae e ndoqi atë në mes të “Route 60”, një rrugë ku limiti i shpejtësisë së makinave është i konsiderueshëm, duke u përpjekur për të shmangur më të keqen.
Vajza e re do të varroset bashkë me qenin e saj të dashur.
“Ajo e kishte blerë me paratë e veta, tha nëna e vajzës, ishte fëmija i saj”. Familja ka ngritur një fushatë online për mbledhjen e fondeve, për të mbuluar shpenzimet e varrimit të vogëlushes.
“JennaRae gjithmonë do të kujtohet si një vajzë e ëmbël, energjike, një e dashuruar pas qenve. Një vajzë që ka prekur jetën e shumë vetëve “, thuhet në faqen e internetit GotFundMe, ku u zhvillua mbledhja e fondeve.
Policia ende po heton për të zbardhur incidentin.
