Gazetari Ferdinand Dervishi i ftuar në “360 Gradë” në Ora News, bëri një deklaratë të pazakontë, duke pretenduar se Kostandin Kaçifas mund të jetë vetëvrarë.
Dervishaj: Unë gjeta një informacion që thotë se ka në gjoks dy plumba afër njëri-tjetrit. Mora edhe informacione të tjera dhe fillova të pyes edhe ekspertë të ndryshëm. Pranohet që ka elementë të puqitjes, të një arme që është mbështetur në gjoksin e tij.
Rrobat edhe plaga kanë barut. Madje, plaga kur është me puqitje ka edhe të çara aq sa viaska ka arma me të cilën është qëlluar. Të dhënat i kam edhe tek shkrimi.
Myftaraj: Po thotë që policia ka gënjyer. Ata e kanë pasur në snajper dhe dylbi. Po deziinformon publikun. 10 veta të RENEA-s thonë se e vranë.
Dervishaj: Kush nga RENEA qëllon në 2 km larg në plumba 2 cm. RENEA ishte aty. Erdhi RENEA nga Tirana dhe ju tha që ky njeri ka një armë kallashnikov. Ekspertët thonë se vret 350 metra zyrtarisht.
Asnjë qitës në botë nuk mund të realizojë qitje 2 cm me dy plumba. Nuk bëhet. Edhe dy veta të ndryshëm nuk e bëjnë dot. Detaj tjetër janë vrimat e plumbave që janë të mëdhenj. RENEA ka marrë automatikë Bereta me 85 mlm. Në morgun e Gjirokastrës është bërë autopsia. E kanë parë edhe ekspertët. Në Gjirokastër është parë nga policia lokale, ka vajtur në morg. Autopsia bëhet për të parë drejtimin e qitjes.
Kemi një ekspertizë të Gjirokastrës që nuk dihet çfarë është. Kemi fotografitë në vendngjarjes nuk e dimë çfarë është. Pas autopsisë, është lartë për t’ua dhënë familjarëve. Pra kemi një pamje të dytë. Nuk besoj kurrë që do të manipulohen gjitha së bashku.
