Një baba i guximshëm, i cili gati humbi jetën pas një sulmi nga peshkaqeni e ka përshkruar si luftë me një ‘dritë të ndritshme’ teksa mendonte për të fejuarën dhe fëmijët.
Në shkurt, Glenn Dickson u përball me një peshkaqen 10 metra të gjatë në brigjet e Queensland në Australi.
Pasi peshkaqeni i shqeu këmbën, miqtë e tij Rick, Peter dhe Aaron kaluan pesë orë duke lundruar për ta çuar në spital.
Gjatë kësaj kohe, 27-vjeçari mendon se ka parë një dritë të bardhë të ndritshme.
“Kam humbur gjysmën e gjakut në trupin tim. Unë mund të shihja një dritë të ndritshme në sytë e mi dhe e dija se po ta kaloja, nuk do kthehesha më. Por mendimet për gruan time të ardhshme dhe fëmijët tanë më bëri të qëndroja. Duke parë fytyrat e tyre dhe të ardhmen e mrekullueshme me ta, trupi im u detyrua të qëndronte gjallë e të kthehej sërish në familje”, tregoi Glenn.
Ai ka notuar pranë peshqve që fëmijë dhe ka parë disa herë peshkaqenë, por asnjëherë nuk i kanë dhënë rëndësi. Këmbën e shqyer e zëvendësoi me protezë dhe ia doli të realizonte ëndrrën e madhe, martesën me nënën e fëmijëve të tij.
