Një aksident automobilistik ka ndodhur në orët e vona të natës së mbrëmshme në Tiranë. Dy makina janë përplasur me njëra-tjetrën pranë Drejtorisë së Policisë Tiranë.
Sipas të dhënave të deritanishme, në aksident janë përfshirë dy automjete tip ‘Mercedez’ dhe ‘Smart’, ndërsa njëra prej tyre ka përfunduar mbi trotuar, siç duket edhe nga foto.
Deri tani, nuk janë raportuar dëme në njerëz, por vetëm dëme të lehta materiale. Po ashtu, nuk janë bërë të ditura edhe identitetet e drejtuesve të mjeteve të përfshira në aksident.
