Ish-ministri i Brendshëm, pasi dokumentoi vendimin e gjykatës italiane në një konferencë shtypi se është i pafajshëm lidhur me përfshirjen e tij me grupin kriminal të Habilajve, Saimir Tahiri ka folur edhe për periudhën kur drejtonte dikasterin e rendit në vend.
Në mbi një vit në krye të ministrisë, Tahiri tha se gjatë kësaj periudhe edhe ka gabuar disa herë.
“Kam gabuar, por kam punuar për punën time në ministri. Sado të hedhin baltë, nuk e mbulojnë dot kurrë. Jam rrëzuar e ngritur, kam gabuar shumë herë, e kam mësuar. Të godasim fort palaçot në politikë, ata që kanë kryer vrasje e vjedhje dhe nuk janë dënuar. Me lek dhe pushtet, mos t’i shpëtojnë drejtësisë së popullit”, u shpreh ish-ministri.
