TIRANE- Analisti Andi Bushati, i ftuar në emisionin “Të Paekspozuarit”, ku u publikua një përgjim i ri i Vangjush Dakos me Altin Avdylin, u shpreh se ky përgjim rrëzon alibinë e Vangjush Dakos. Ndonëse Dako tha se nuk ka afrimitet me anëtarët e bandës së Shijakut dhe se ja hap të gjithë qytetarëve telefonin, sipas Bushatit kryebashkiaku në këtë rast gënjeu.
“Biseda e parë është, “na duhen ca lek se janë zgjedhjet”. Biseda e dytë është, “doja ta falenderoja se mbaruan zgjedhjet”. Pasi dalin bisedat, del Dako në ‘Opinion’ dhe thotë; “unë me zgjedhësit flas gjithmonë. Jemi në Qershor 2017”.
Biseda e sotme, është e shkurtit. Duke qenë biseda e shkurtit, ajo tregon të njëjtin afrimitet. Një njeri që do të zbulojë të vërtetën, thotë pse gënjeu Dako në Opinion? ”, pohoi Bushati.
Ai tha mes të tjerash se ky afrimitet mes Dakos dhe Avdylëve duket që është i zgjatur në muaj dhe kohë.
