Kryeministri Sali Berisha ka rrëfyer për herë të parë një bisedë të tij me kreun e PD, Lulzim Basha në vitin 2013 për kryeministrin Edi Rama. Berisha tha se i kishte kërkuar Bashës të bënte pakt me Ramën për hir të integrimit nëse ai do shkëpuste lidhjet me krimin, gjë e cila sipas tij nuk ndodhi por përkundrazi kryeministri forcoi lidhjet me bandat.
“Unë nuk jam me marrjen e pushtetit me dhunë. Rrëzimi i pushtetit dhe marrja e pushtetit janë dy gjerë të kundërta. Rrëzimi i kësaj qeverie, krijimi i kushteve që të mund të votojnë të lirë qytetarët ky është misioni dhe detyra kryesore e opozitës.
Po ju tregoj një sekret një bisedë mes meje dhe Lulzim Bashës në 2013-n.
I kam thënë se nëse ky këput lidhjet me krimin ne natyrisht duhet të vendosim një bashkëpunim sa i përket çështjeve të integrimit Europian, këtë ja kam thënë edhe Ramës në parlament. Ty të votuan shqiptarët, të amnistuan shqiptarë, por i kam thënë nëse i shkëput lidhjet ti i bën nder vendin tënd, por nëse i mban lidhjet do i bësh gjëmën Shqipërisë”, u shpreh Berisha.
