Abuzimet seksuale ndaj grave në Korenë e Veriut nga funksionarët e lartë, janë tëpër të zakonshme saqë tashmë është bërë pjesë e përditshmërisë.
Sipas një raporti nga Organizata e të Drejtave të Njeriut (HRW) të një dite më parë, thuhet se abuzime të tilla janë pjesë e jetës së përditshme. Raporti është i bazuar në intervistat me 62 koreano-veriorë, të cilët kanë ikur nga vendi dhe kanë dhënë llogari të detajuara për përdhunimin dhe abuzimin seksual.
Zyrtarët e lartë koreano-veriorë, duke përfshirë edhe anëtarë me grada të larta partiake, ushtrojnë keqpërdorim seksual “pa shqetësim të madh për pasojat”, thotë Organizata për të Drejta të Njeriut.
Kjo organizatë thotë gjithashtu se gratë nuk mund të bëjnë asgjë për të evituar dhunën seksuale, pasi sipas raportit, çdo ankesë mund të çojë drejt ndëshkimit të mëtejshëm, përfshirë ndëshkimin fizik apo punën e detyrueshme. “Ata na konsiderojnë lodra seksi. Ne jemi në mëshirën e njerëzve”, u tha autorëve të raportit, Oh Jung-hee, një tregtare rreth të 40-tave.
