Një Botëror me 48 skuadra do të ishte një risi për sa i përket zhvillimit të këtij kompeticioni. Këtë ide e ka mbështetur dhe vetë presidenti i qeverisë botërore të futbollit (FIFA), Xhani Infantino i cili së fundmi ka thënë se ky vendim do të hyjë në fuqi në vitin 2026.
Megjithatë ai nuk e ka përjashtuar mundësinë që të ndodhë edhe për Botërorin e vitit 2022. “Kemi vendosur të rritin numrin e skuadrave pjesëmarrëse, vendim që do të hyjë në fuqi në vitin 2026. A mund të ndodhë që në vitin 2022? Është e mundur, përse jo!? Po diskutojmë me miqtë tanë në Katar dhe urojmë që të bëhet e mundur. Gjithçka do të vendoset përfundimisht në fillimin e vitit të ardhshëm, para fillimit të kualifikueseve” – tha Infantino përpara asamblesë së AFC, Konfederatës Aziatike të Futbollit.
