Kisha franceskane në Shkodër ka rënë pre e vandalizmit. Policia thotë se e ka vendosur në pranga autorin, një 26 vjace me precedentë penalë për “vjedhje.
Njoftimi i policisë për ngjarjen
Nga strukturat e Hetimit të Krimit në Komisariatin e Policisë Shkodër në bashkëpunim me Forcën e Posaçme “Shqiponjat” kapet dhe arrestohet në flagrancë shtetasi:
K.A, 26 vjeç, banues në lagjen “Partizani” Shkodër, i denuar dhe më parë për “Vjedhje”
Arrestimi i tij u bë pasi në Kishën Françeskane, në lagjen “Vasil Shanto” Shkodër, ka vjedhur një sasi lekësh, si dhe ka dëmtuar disa objekte të kultit fetar me vlerë të kësaj Kishe.
Materialet iu referuan Prokurorisë së Rrethit Gjyqësor Shkodër për veprat penale të “Vjedhje” dhe “Shkatërrimi i veprave kulturore”, parashikuar nga nenet 134 dhe 160 të Kodit Penal.
