Partizani dhe grupimi “UG” kanë reaguar pas hapjes së banderolave raciste në stadium “1 grek më pak, 1 bastard më pak”. Kujtojmë se në stadiumin “Dinamo”, ditën e djeshme u luajt supersfida e javës së 9-të të Supeligës, Partizani-Skëndërbeu, ku nuk munguan edhe komentet për vdekjen e Kostantinos Katsifas. Banderola e hapur në fushë ngjalli mjaft debat dhe tensione ku nuk mungoi edhe reagimi i palës greke.
“Falë masave të marra organizative, takimi Partizani – Skënderbeu rezultoi një festë e vërtetë sportive e denjë për një ndeshje vitrinë të kampionatit tonë. Njëkohësisht dëshirojmë të distancohemi nga episodet sporadike (rasti i banderolës), të cilat nuk kanë lidhje me eventin sportiv, dhe bien ndesh me politikat Fair –Play të Klubit.
Sporti duhet ti bashkojë njerëzit dhe jo të krijojë përçarje mes tyre. Një falendërim i veçantë shkon për tifozerinë e kuqe, e cila me pjesmarrjen e saj masive,në këtë ndeshje, këngët dhe përkrahjen e fuqishme përgjatë gjithë takimit, dhuruan një atmosferë të mrekullueshme”, shkruhet në reagim.
