Pas reagimit nga kryeministri Edi Rama lidhur me deklaratën e ish-kryeministrit Sali Berisha për ngjarjen në Bularat, ka reaguar edhe kryedemokrati Lulzim Basha.
Me anë të një postimi në rrjetet sociale, Basha sulmon Ramën për gjuhën e përdorur ndaj ish-kryeministrit, ndërsa shprehet se në kushtet kur nuk ka asnjë shanc për të mbrojtur vetem, Rama flet përçartë.
Kryedemokrati e quan Ramën si “turp kombëtar”.
“Bashkëqeverisja e Ramës me krimin është fakt. Bashkëpunimi me krimin për blerje votash është i provuar.
Rama nuk ka asnjë shans të mbrojë as veten e as ministrat, ish ministrat, deputetët e kryebashkiakët kriminelë nga përballja me drejtësinë e vërtetë. Nuk i ka mbetur gjë tjetër veçse të flasë përçart, duke sulmuar me gjuhë banditi ish kryeministrin, me shpresën e kotë se mund ta zhvendosë sadopak vëmendjen e mund të fitojë pak kohë për të mbyllur skandalin e rradhës. Turpi kombëtar ka emrin dhe fytyrën e tij!”, – shkruan Basha.
