“Tre akuzat e rënda dhe poshtëruese që u lëshuan mbi Xhafën! Në ligjin e mafies, koka e dënuar duhet asgjësuar, në mos fizikisht së paku moralisht. Kjo ekzakt ndodhi me Fatzi Xhafën, të cilin pas e larguan i lëshuan mbi shpinë tre akuza, secila më e zezë se tjetra si shkaqe të largimit të tij”.
Është kjo ajo që thotë ish-Kryeministri Sali Berisha, teksa përpiqet të denoncojë arsyet e vërteta se pse Fatmir Xhafaj, u largua si ministër i Brendshëm.
Ai thotë se të gjitha këto u bënë vetëm e vetëm për të fshehur e maskuar shkakun e vërtetë të largimit të tij, që “janë mbrojtja nga Rama me çdo kusht e lëkurës së tij dhe të Gjushit, për të cilin Xhafaj shpërndau dokumentet e dosjes hetimore dhe bindi/kërkoi pas urdhrit të prokurorisë arrestimin e tij”.
Berisha thotë se Rama bllokoi veprimet e Xhafës duke e strehuar Vangjush Dakon një natë në Surrel dhe të nesërmen e mbajti kudo mbas vetes, madje për ti dhënë imunitet të plotë, thotë se e paraqiti edhe në mbledhjen e grupit parlamentar.
Ish-Kryeministri shton se, akuzat kryesore që “makineria e kryeshpifësit të kombit lëshoi kunder Fatziut” janë:
-E para, Xhafaj u largua sepse Saimir Tahiri do të nxirrte në konferencën e shtypit të njoftuar gazetarëve direkt nga Sugar Fuga një video me skena erotike. Për të mbështetur këtë akuzë, sipas të cilës Xhafaj është viktimë e krimit të pasionit, u angazhua vetë direkt kreu i meduzës, i cili në Lushnje paturpësisht deklaroi: “Kujdes kur anëtarësoheni në Partinë Socialiste, ka kushte të vështira. Unë hoqa dore nga e dalura nudo. Bëni llogaritë nëse hiqni dot dorë pasi të hyni në PS”.
-Akuza e dytë, Xhafën e larguan sepse Sajmir Tahiri do të nxirrte në konferencë shtypi ekspertizën italiane të zërit të aferës së famshme të Alfred Velisë, e cila dëshmon se zëri në audio është fiks i Geron Xhafës.
-Akuza e tretë, Xhafa iku sepse kishte vendosur kontakte me Klement Balilin për ti marrë videoregjistrimet e tij për Ramën, Bushatin, Gjiknurin, Ahmetin, Tahirin etj. Ndaj Berisha thotë se edhe Rama në takimin me “narkopolicinë” do ti thoshte haptas Xhafaj se pritet të vijë ambasadorja e SHBA, që të flase për arrestimin e Balilit, dhe se indirekt ai po e mbronte Balilin.
“Por përsëri, të vërtetën e largimit të tij e nxori Rama në Lushnje ku i kujtoi Xhafës gurët e hedhur mbi partinë si me arrestimin e Ndokëve, për të cilin Rama nuk shqipëroi një fjalë por dhe të Avdylëve, Bajrave por mbi të gjitha Rama nuk i fali Xhafës përpjekjen për arrestimin e Gjushit, faktikisht rrëzimin e tij si kryeministër ndaj dhe i dërgoi me Don Agaçion në ora 01:30 në shtëpi zarfin me dy shkresa”, deklaron Berisha.
Ndër të tjerë shtoi se para me propozimin e tij për shkarkim nga detyra, e dyta me vendimin e tij për të pranuar dorëheqjen e tij, “Xhafa zgjodhi fatin e tij”.
