Ekstremisti minoritar grek, Konstandin Kaçifa hapi zjarr në drejtim të makinës së patrullës së policisë me synimin për t’i vrarë efektivët që po shkonin në drejtim të tij.
Plumbat me breshëri kallashnikovi janë përqendruar të gjithë në pjesën e përparme të makinës, kryesisht në xham dhe dyer dhe jo nga gomat, shkruan Boldnews.al.
Dinamika e vetëngjarjes që nga momenti kur Kaçifa ka hapur zjarr në ajër në qendër të fshatit, thirrjet e tij antishqiptare e deri te momenti i të shtënave ndaj patrullës së policisë, tregon për një skenar të mirëorganizuar nga ekstremisti grek. Dhe ajo që është alarmante është tentativa e tij e qëllimshme për të vrarë policët e patrullës.
(Katër plumba në xhamin e parë të makinës së policisë)
Burime nga grupi hetimor thanë për Boldnews.al se një nga plumbat e qëlluar në xhamin e parë dhe në krahun e shoferit nga ekstremisti grek, vetëm për 1 cm nuk i ka marrë jetën efektivit të policisë. Tre plumbat e tjerë janë lëshuar në anën e pasagjerit.
Ngjarja mund të kishte një bilanc tragjik, nëse fati nuk do kishte qenë me policët. Megjithatë, Konstandin Kaçifa vijoi rezistencën edhe ndaj Forcave Elitare RENEA të cilët edhe e ekzekutuan pranë fshatit Bularat.
