Ditën e sotme gjatë zhvillimeve të ceremonisë për festën zyrtare të grekëve “OXI”, në Gjirokastër ka qenë edhe Ministrja e Kulturës së Greqisë, Mirsini Zorba.
Pas ngjarjes së rëndë, ku shtetasi grek Konstandinos Kacifas mbeti i vrarë pas përplasjes me policinë shqiptare, kjo e fundit ka reaguar përmes një postimi në Facebook.
![44931414_10216904791868920_189701361070243840_n](http://www.panorama.com.al/wp-content/uploads/2018/10/44931414_10216904791868920_189701361070243840_n.jpg)
“Sot, në varrezën e dëshmorëve në Bularat nderuam ushtarët tanë grekë. Përkujtimore në vendin ku humbën jetën. Emocione mes maleve ku luftuan me patriotizëm kundër fashizmit.
Kudo flamuj grekë, përfaqësues të qeverisë greke e shqiptare, ambasadore e Greqisë, deputetë, kryebashkiakë, nxënës, banorë të thjeshtë. Vendosëm kurorat, u dëgjuan fjalime, himni shqiptar e grek, poezi nga fëmijët.
U larguam në orën 15.00 qetë, pa asnjë problem. Gjatë rrugës u informuam se një homogjen kishte kërcënuar paradite me kallashnikov duke kundërshtuar marrëveshjen mes dy qeverive për varrezat e dëshmorëve dhe nderimin e kujtimit të tyre një tradhëti!
Asnjë flamur grek nuk u ul, të gjith u valvitën lart.
Pas orës 15.00, në rrugën e kthimit u informuam se homogjeni u rrethua nga policia, i kërkuan të dorëzohet, nuk u dorëzua dhe e vranë. As që mund të imagjinonim këtë incident tragjik, në atmosferën tepër emocionuese të paradites …”, ka shkruar ajo.