Prej vitesh pjesë e tregut muzikor shqiptar, Tuna mbetet një nga këngëtaret më të suksesshme dhe ndër më të komentuarat në shoëbiz. Kudo ku përmendet emri i saj bëhet bujë dhe publiku ka kuriozitet të dijë çdo të re nga jeta e saj. E ftuar sot në “Xing me Ermalin”, Tuna u shpreh se vitet më të bukura i ka kaluar në Shqipëri duke theksuar se nuk do që të krijojë përçarje sepse e do shumë vendin e saj.
“Shqipërinë e dua shumë, nuk dua të tingëlloj klishe por në Shqipëri kam kaluar vitet më të rëndësishme. Janë vitet ku kam marrë shkollë nga spektaklet. Këtu kam marrë një super përvojë. Sa i përket spektakleve dhe show-ve nuk ja jap dorën as Maqedonisë, as Kosovës. Ju në Shqipëri jeni njishi për këtë gjë. Jo rastësisht jam ndër vite këtu dhe nuk jam as në vendlindjen time, as në Kosovë.
Ne shqiptarët jemi e zeza vetes dhe nuk dua të fus përçarje. Unë jam shqiptare e Maqedonisë, nuk jam maqedonase se shumë herë e kam thënë këtë. Pra vij nga Maqedonia, jam e shpërngulur në Kosovë, jetoj dhe veproj aty ndërkohë që shumicën e projekteve dhe karrierën time artistike e veproj në Shqipëri. Unë e dua vendlindjen time më shumë se gjithçka në këtë botë”, u shpreh Tuna dhe u përlot./Xing.al
