Pas humbjes së thellë të Real Madridit nga Barcelona në “El Classico” e sotme, mediat spanjolle janë të bindura në shkarkimin e Lopetegui dhe sëzendësimit të tij nga dita e nesërme me Antonio Conte.
Presidenti Florentino Perez do të ndërpresë kontratën me teknikun Julen Lopetegui, pasi nuk mund të pranojë një turpërim të tillë nga Barcelona në “Camp Nou”. Sipas gazetës sportive spanjolle “AS”, pritet që ditën e nesërme të mblidhet kryesia e klubit madrilen dhe ata të ndërpresin kontratën me Lopetegui-n dhe të lajmërojnë uljen në stol të Conte-s.
Vetë Conte ndodhej në Egjipt për pushime, por mediet spanjolle shprehen se ai po udhëton drejt Madridit për të marrë detyrën e re.
Kujtojmë se Conte që nga vera e kaluar ishte pa ekip, duke qenë se ndërpreu marrëdhëniet me Chelsea-n.
Pritet që ndeshja e tij e parë në stolin madrilen të jetë të mërkurën në Kupën e Mbretit.
Mësohet se shkarkimi i Lopetegui-t do t’i kushtojë Realit 18 milionë euro.
