Vritet nga RENEA Kostandinos Kaçifa.
Policia njoftoi pak minuta më parë se pas rezistencës për t’u dorëzuar dhe në kushtet kur 35-vjeçari kishte zbrazur disa karikatorë ndaj RENEA-s në Depon e Ujit ku ishte fshehur, ai është qëlluar për vdekje.
Paraditen e sotme fshati Bularat i Gjirokastrës u “ blindua” nga policia, pasi një 35-vjeçar grekë hapi zjarrë ndaj makinës së policis.
Pas kësaj i riu u largua nga vëndi i ngjarjes, ndërsa forcat RENEA janë vënë në ndjekje të tijë që në mëngjes.
Kostandinos Kaçifa është cilësuar si ekstremist i Agimit të Artë, ndërsa njihet edhe si njeri i stërvitur me armët e zjarrit, pasi ka qenë anëtar i Forcave Speciale Greke.
Kujtojmë se i riu qëlloi fillimisht me armë zjarri në ajër gjatë festës së Greqisë dhe më pas në drejtim të makinës së policisë, kur kjo e fundit mbërriti në vendin e ngjarjes pas të shtënave.
Njoftimi i policisë
Në vijim të informacionit të dhënë më parë në lidhje me ngjarjen e ndodhur në fshatin Bularat ku shtetasi Kostandinos Kaçifa ka qëlluar me armë zjarri në ajër e më pas mbi Policinë ju informojmë se:
Forcat RENEA janë vënë në ndjekje të tij. Në faqen e malit mbi depon e ujit të fshatit Bularat, shtetasi Kostandinos Kaçifa është lokalizuar nga forcat speciale.
Forcat RENEA i kanë bërë thirrje të hedhë armën dhe të dorëzohet, por shtetasi Kaçifa nuk i është përgjigjur thirrjes së herëpashershme të policise, por ka hapur zjarr me arme duke rrezikuar seriozisht jetën e efektiveve edhe për shkak të terrenit ku mundësia e mbrojtjes ishte e ulët.
Forcat RENEA janë kundërpërgjigjur dhe gjatë shkëmbimit të zjarrit ka mbetur i varë shtetasi K. Kaçifa.
Në vendngjarje ka mberritur grupi hetimor ku vijojnë veprimet e tjera, nen drejtimin e Prokurorise.
