Tre shqiptarë janë në mesin e të arrestuarve të një grupi prej 11 personash.
Ndalimi i tyre u bë në zonën veriperëndimore të Greqisë, ku mësohet se personat ishin trafikantë të heroinës.
Gjatë operacionit, u sekuestruan edhe 1.4 kg heroinë.
Sipas policisë kreu i grupit kriminal ishte një 39-vjeçar shqiptar që ndodhet në burg. Nga hetimet mësohet se gjatë 10 muajve të fundit ky grup ka trafikuar 8 kg heroinë dhe fitimi nga trafiku përllogaritej në 132 mijë euro.
Në të gjitha rastet heroina vinte nga Shqipëria pas urdhrit që jepet nga burgu kreu i grupit. Roli kryesor e kishte vëllai i “bosit” të burgosur, një 44-vjeçar që është shpallur në kërkim.
Gjithashtu u sekuestruan gjithashtu 3.165 euro, 25 gr kokaine, tre peshore elektronike precizioni.
