Kreu i Bashkisë së Durrësit, Vangjush Dako, deklaroi sonte se është i detyruar të komunikojë me çdo qytetar të Durrësit, për t’i marrë votën.
Siç duket për votat, Dako nuk e ka problem të flasë edhe me kriminelët duke iu kërkuar atyre vota.
Dako: Unë jam Kryetari i Bashkisë së Durrësit dhe pushteti im buron nga vota dhe unë komunikoj me çdo qytetar. Ku ka familje me këtë mbiemër unë shkoj e takoj, unë shkoj në çdo qendër elektorale. Unë shkoj dhe marr kontakte të drejtpërdrejta me çdo anëtar të familjeve dhe u kërkoi votën në favor të punës që unë bëj. Unë nuk marr në telefon askënd përkundër ligjit.
Por ka familje dhe qytetar të ndryshëm në Durrës më marrin për shqetësime të ndryshme familjare dhe jo rastësisht jam zgjedhur tre herë kryetar i Bashkisë së Durrësit. Unë kam komunikuar me çdo familje të madhe në rrethin e Durrësit.
Nuk ka person në qytetin e Durrësit që unë nuk kam komunikuar. Mund të marrësh çdo emër në gjendjen civile dhe unë të them se kush është dhe ku banon.
