Kryetari i Partisë Demokratike, Lulzim Basha, gjatë një deklarate për mediat nga selia blu, akuzoi kryeministrin Rama dhe zyrtarë të lartë socialistë për lidhje me krimin.
Rama, tha Basha, është i përfshirë në skemat e pastrimit të parave nga PPP-të, te skema korruptive e shembjes së Teatrit.
“Mjafton të dalin nga Blloku për të parë se si në lokale konsumohet drogë dhe kudo ka banditë të armatosur që konsumojnë drogat e forta në sy të policisë e krah ministrave ta Ramës”, tha Basha.
Aksionet e policisë, ai i quajti fasadë, ndërsa shtoi se personat e arrestuar do lirohen ose do lehtësohen nga akuzat, deklaroi kryedemokrati.
Si zgjidhe të kësaj situate, Basha tha se janë dy propozimet e Partisë Demokratike, vetingu në politikë dhe reforma zgjedhore.
