Kreu i grupit parlamentar të LSI-së Petrit Vasili, në një reagim në rrjetet sociale i është kundërpërgjigjur kreut të qeverisë për deklaratën që ky i fundit ka bërë në lidhje me lojërat e fatit.
Sipas tij, Rama deklaron se shqiptarët shpenzojnë 700 milion euro për bastet, por shifrat e Ministrisë së financave për xhiron që realizojnë lojërat e fatit janë 5 herë më të ulta dhe nuk i kanë kaluar kurrë 150 milionë euro në vit, nga të cilat shteti shqiptar përfiton 50 milion euro në vit. Sipas Vasilit pa burg nuk shlyhen dot 1 miliard euro.
“Por a do të shkojë në burg vetë Rama apo do të çojë shokët e tij ministra?” – pyet Vasili. “Sipas deklarimit të kryeministrit,- citon ai, me 700 milionë euro në vit për lojërat e fatit këto aktivitete duhet të paguajnë 250 milionë euro, pra në arkën e shtetit mungojnë 200 milionë euro në një vit se sa shuma që deklaron kryeministri“.
Kjo shifër sipas tij, në një afat kohor 5-vjeçar kap shumën e 1 miliard euro evazion fiskal. “Kryeministri pohon dhe e pranon publikisht që 1 miliard euro është vjedhja gjigande e qeverisë me lojrat e fatit në 5 vjet“, thotë Vasili.
Kreu i grupit parlamentar të LSI-së i bën thirrje Prokurorisë që nëse është më ligjin dhe shtetin duhet të fillojë hetimet sepse sipas tij, 1 miliard euro duan përgjigje. Vasili e mbyll reagimin e tij duke thënë se sot apo nesër dikush duhet të paguajë me burg, ose i vetëm, ose të gjithë bashkë.
Postimi i plotë:
A do te shkoje ne burg Rama per 1 miliard euro evazion te lojrave te fatit apo do coje ministrin??
Rama deklaron se shqiptaret shpenzojne 700 milione euro per bastet.
Shifrat e ministrise se financave per xhiron qe realizojne lojrat e fatit jane 5 here me te ulta dhe nuk i kane kaluar kurre 150 milion euro ne vit.
Aktualisht shtetit lojrat e fatit i paguajne 50 milion euro ne vit.
Sipas deklarimit te kryeministrit me 700 milion ne vit per lojrat e fatit keto aktivitete duhet paguan 250 milion euro ne vit,pra 200 milion euro me pak ne nje vit se sa realiteti qe deklaron kryeministri.
200 milion euro me pak ne vit bejne 1 miliard euro evazion ne 5 vjet.
Pra publikisht Kryeministri pohon dhe pranon qe 1miliard euro eshte evazioni, apo vjedhja gjigande e qeverise ne 5 vjet me lojrat e fatit.
A do te shkoje ne burg kryeministri vete apo do coje shoket e tij ministra???
Pa burg nuk shlyhen dot 1 miliard euro.
Prokuroria ne se eshte e ligjit dhe e shtetit le te filloje ceshtjen kryesisht sepse 1 miliard euro duan pergjigje.
Ne te kundert prokuroria ka zgjedhur te vetvritet ne se do ta kaloje edhe kete me nje falje te kryeministrit ne facebook, por te mos harrojne, se kete borxh sot a neser nje do ta paguaje me burg, ose vetem ose te gjithe bashke…
