Arrestimi i disa pjestarve te familjes Avdyli ne Shijak risolli ne vemendje luften mes bandave kriminale ne vend. Por në të vërtetë, grupi Avdyli ka qenë tepër i rrezikshem dhe lidhet me një seri vrasjesh dhe atentash, i fundit më 28 qershor 2017-të, kur në Tiranë mbeti i plagosur biznesmeni Tefik Hyka.
Në vitin 1995, Tefik Hyka u përfshi në vrasjen e të fortit të Shijakut Dritan Avdyli. Njeriu i Hykës një person nga ‘4 Rrugët e Shijakut’ futi në kurth Dritan Avdylin i cili u vra nga vrasësi me pagesë Durim Kusi.
Kjo ngjarje do të pasohej nga një seri vrasjesh. Njeriu që çoi në pritë Dritan Avdylin do të eleminohej në mes të Shijakut nga djali xhaxhait të Dritan Avdylit. Ndërsa disa vite më pas Durim Kusi do të eleminohej në Tiranë.
Ne ate kohe policia arrestoi te dyshuarin Shkelqim Avdyli, pasi nje patrulle uniformash blu ishte gjendur shume prane vendngjarjes. Ne ate kohe policia tha se Avdyli kundershtoi uniformat blu gjate rrethimit, por me pas u vetedorezua. Viktima ishte akuzuar per dy vrasje ne 1995 e 1997, njera prej te cilave i kishte kushtuar burgim jeteshkurter, ndersa gjate vitit 2004, se bashku me te vellane, u hetuan per nje plagosje ne Kombinat.
Policia tha ne ate kohe se motivet e krimit ishin ato te hakmarrjes. Autori i dyshuar, Shkelqim Avdyli, kishte marre hak per vrasjen e vellait te tij Dritanit me 27 prill te vitit 1995 ne Shijak, per te cilen fajesonte Durim Kusin.
12 vite me pas do te ndodhte dhe atentati ndaj Hykes i cili ndonese nuk u perfol si porosites i vrasjes se Dritan Avdylit, nuk mund ti shpetonte hakmarrjes.
Atentati ndaj tij ndodhi ne Tirane, ku Biznesmeni mbeti i plagosur me disa plumba në kokë dhe në trup, pranë stadiumit “Selman Stërmasi” . Hyka 56-vjeçar ish-pronar i fabrikës së tullave në Vorë, u qëllua me pistoletë ndërsa ndodhej i ulur në lokal “Piemonte” në kryeqytet.
Dy persona iu afruan me një motor të fuqishëm, njëri prej të cilëve mbante një skafandër në kokë ku qëlloi ndaj Hykës katër herë, duke i shkaktuar plagë në trup dhe kokë.
