Avokati i Lulzim Berishës, Detar Hysi insiston se klienti i tij nuk ka lidhje me grupin kriminal të Shijakut, i cili u godit gjatë këtyre ditëve nga Policia dhe Prokuroria.
Në një prononcim për gazetën ‘Panorama’, ai thotë se emri i Lul Berishës është përmendur shkarazi dhe se nuk ka asnjë rol në këtë organizatë.
Hysi sqaron se ndaj Berishës nuk ka patur asnjë urdhër-arrest dhe as mandat për kontroll banese, e megjithatë policia kontrolloi në banesën e tij në Durrës dhe nuk gjeti asgjë të jashtëligjshme.
“Momentalisht, klienti im nuk ndodhet në Shqipëri. Ai ndodhet jashtë me familjen pasi ka gruan shumë sëmurë. Ai mban kontakte me Shërbimin e Provës dhe javën që vjen do të kthehet, pasi nuk mund ta shkelë vendimin e Gjykatës së Durrësit”, u shpreh avokati.
