Ish-ministri i Drejtësisë Ylli Manjani ka komentuar një nga operacionet e ditëve të fundit, atë të tjetërsimit të pronave në Lezhë, ku në pranga ra ish-deputeti i PS, Arben Ndoka.
Në një reagim në rrjetet sociale, juristi shkruan se gjysma e Lezhës do burgoset për një vend që sipas tij, gjysma është i mbuluar me mbetje urbane, ndërsa në jug të vendit punohet qetësisht të pa shqetësuar nga askush.
Statusi i plotë:
Sa ranë (rërë) politike ka hedhë Rilindja tek Rana e Hedhun aq të mira qofshin!
Do burgoset gjysma e Lezhës për një vend, gjysma e të cilit ka plehra. Po na e shesin atë vend me çmimin e Karaibeve.
Të krijohet ideja që falsifikimi si shkencë ka lindur në Lezhë.
Ndërkohë në Riviere, perlën e bregut Rilindasit punojnë të qetë…
Askush nuk merret me masakrën korruptive shtetërore atje!
