Klement Balili, sot një nga shqiptarët më të kërkuar, ka më shumë se 2 vite në arrati. Balili është shpallur në kërkim që prej muajit dhjetor të vitit 2016. Policia e Shtetit ka zhvilluar disa herë operacione për kapjen e tij, por nuk janë finalizuar me sukses.
43-vjeçari u prezantua nga mediet greke si ‘Escobari i Ballkanit’, ndërkohë që në Shqipëri ai rezultonte si një drejtor i Drejtorisë Rajonale të Transporteve.
Pas publikimit të lajmit nga mediat greke, Balili mohoi akuzat për lidhje me trafikun e drogës dhe krijimin e një grupi të strukturuar kriminal. Balili tha se ishte akuzat ishin shpifje, ndërkohë që nuk vonuan disa ditë dhe Balili u arratis. Ish-ambasadori amerikan, Donald Lu, nuk ngurroi t’a quante Balilin “peshk i madh”.
Aktualisht ndaj Balilit rëndon akuza e trafikut ndërkombëtar të drogës, krijimit të grupit të strukturuar kriminal, pastrimit të parave si dhe kultivimit të narkotikëve.
Një aksion po zhvillohet në Sarandë për kapjen tij pas informacionve që ka marrë policis, se ai fshihet në qytetin bregdetar.
