Çdo kapadaillëk e sundim brutal, ka një degradim e fund komik, tragjik e të turpshëm dhe kjo “orë”, duket si i ka ardhur pushtetllëkut të Edi Ramës, duke nisur me “psiko-ligjin” për lojërat e fatit, i cili nuk është “zbatim ligji e kontribut” për familjet shqiptare, por skemë e një monopoli miliarda lekësh, për familjen e tij, vëllain, baxhankun, krushqitë dhe banditët, me të cilët “punon” e qëndron në pushtet.
Sinjalin e parë, kundër ligjit për lojërat e fatit, publikuar fillimisht nga “PAMFLETI”, ia dhanë 3 deputetët Gramoz Ruçi, Blendi Klosi e Fidel Ylli, duke ia bërë të qartë, se kundërshtia e tyre ishte reagim anti-qeveri dhe shkak për rrëzimin e saj para 2021-it.
Mirëpo psiko-deliranti Rama, i përçmoi këto zëra dhe kërcënoi deputetët me një kallëp- mesazh kapadaiu, të mos e dëgjonin popullin, biznesmenët dhe të punësuarit, gjë që e çoi në 23, numrin e deputetëve, kundër çmendurisë Rama, me epiqendër në Tiranë, Vlorë, Fier, Korçë, Elbasan, Durrës, Shkodër, Gjirokastër.
Sipas një informacioni që na ka ardhur, situata brenda “stanit” të PS-së është ndezur edhe më shumë pas këmbënguljes dhe shpërfilljes që Rama po u bën deputetëve kundër psiko-ligjit të tij, aq sa mund të përsëritet mbledhjae famshme e KPD-së së 2002-it, nxitur nga banda mafioze “Meta”, që sillej tipik si Rama sot.
Faktikisht, psiko-ligji për mbylljen e lojërave të fatit, ka krijuar grupin dominues me 33 deputetë kundër, që përcakton fatin e qeverisjes Rama, ndëkohë që 22 deputetë po qëndrojnë si përherë në “hije”, ndërsa pjesa tjetër, janë rreshtuar “gati-tu”, para kryetarit të partisë.
Për të mos e lejuar Ramën të bëjë ligj monopolin e tij familjar me lojrat e fatit, 33 deputetët me në krye Ruçin, Fidel Yllin, Brahon, Majkon, Sulin, Qefalinë, Abazin, Manjën, Klotilda Feratin, Sadi Vorpsin, Bujar Çelën, Vullnet Sinajn, Edmond Lekën, Flamur Golemin, Arben Pëllumbin, Angjelin, Finon, Klosin etj., po e paraqesin kundërshtimin e tyre, si “presion nga baza socialiste e bizneset, që komandojnë votat në zona”.
Në fakt, po maskojnë interesat që kanë direkt, ose indirekt në këtë biznes “industri miliardash”, për të cilin Rama po përleshet me të gjithë, për t’ua marrë e për ta bërë biznes monopol të familjes e bandës së tij.
Nëse do të ishte ligj, për ndihmën ekonomike, për jetimët e të pastrehët dhe punësimin, nuk do të niste kjo betejë e hapur mes Ramës dhe (ish)“deleve të tij, të dala nga “tufa”.
Sipas rregullores së parlamentit, projekt-ligji i monopolit “Rama”, është bërë gati qysh 1 vit më parë, nga “ekspertët” e mafies turko-qipriote-serbe dhe duhej të ishte paraqitur ditën e mërkurë në Komisionin për Ekonominë e Financat dhe më pas në Komisionin për Veprimtaritë Prodhuese, por nuk është depozituar nga ministri Ahmetaj.
Ka sinjale, se nuk do paraqitet fare, ndërkohë që sot, pasdite, në emër të grupit, 15 nga 33 deputetë kundër, i kanë dërguar një mesazh-apel Edi Ramës dhe kreut të grupit Taulant Balla, për të mos e vazhduar këtë aventurë, mbasi nga tërheqja ose mos tërheqja, përcaktohet fati dhe afati i qëndrimit të PS-së në pushtet./Pamfleti/
