Një ditë më parë kreu i Policisë së Shtetit, Ardi Veliu dha dëshminë e tij në Prokuroinë e Krimeve të Rënda në lidhje me akuzat e bëra nga Fredi Alizoti, i cili është dëshmitari i rremë i Edi Ramës në skandalin e audio-përgjimit të Agron-Geron Xhafajt.
Brenda 30 minutash Veliu e përfundoi dëshminë e tij dhe para gazetarëve ai tha se, nuk e njihte dhe nuk e kishte takuar ndonjëherë Fredi Alizotin.
Por në gjithë këtë mbrojtje të shtirur që ka ngritur Edi Rama e Fatmir Xhafaj për të shpëtuar veten, duke se provat dhe faktet anojnë më shumë nga ana e denoncuesve.
Gjatë video-përgjimit, Fredi Alizoti tha se ‘vetë drejtori i policisë Ardi Veliu kishte shkuar në Vlorë dhe e kishte marrë me makinën e tij të zezë’.
E pikërisht makina e zezë mbërriti dje te Prokuroria e Krimeve të Rënda dhe nga ajo zbriti Ardi Veliu.
Siç thonë zyrtarë dhe dëshmitarë të shumtë, kreu i Policisë së Shtetit Ardi Veliu që prej marrjes së detyrës lëviz me këtë makinë, një ‘Range Rover’ i zi.
E është shumë e thjeshtë për të vërtetuar nëse kjo makinë në datën 1 qershor 2018 ka qenë në Vlorë apo jo, mjafton ti kontrollohet GPS i vendosur nga fabrika.
