Arkimed Lushaj, i njohur si “Stresi” është arrestuar nga efektivë të policisë të Tiranës për armbajte pa leje.
Burime nga policia thanë se reperi është ndaluar teksa ishte në një hotel. Në dhomën ku është ndaluar Lushaj, është gjetur edhe një pistoletë, shtuan të njëjtat burime. Kjo ka bërë që “Stresi” të vihej në pranga dhe ndaj tij të ngrihet akuza e armëmbajtjes pa leje.
Pas ndalimit në hotel, është transportuar në komisariatin numër 4 në Tiranë, për veprimet e mëtejshme proceduriale.
Kjo nuk është hera e parë që Stresi ndalohet nga efektivët e policisë për armëmbajtje pa leje. Në vitin 2012, ai u arrestua gjatë kohës, që po dilte nga një lokal nate, pasi me vete kishte një pistoletë pa leje.
Ndërsa disa muaj më parë, ai u shoqërua pasi ndodhej në një lokal në kryeqytet ku policia gjeti kokainë.
