Revista Who ka publikuar intervistën e parë kaq të detajuar të Sara Hoxhës. Intervista u realizua nga bashkëshorti i saj, Ledion Liço. Sara foli për shumë aspekte të jetës së saj. E ndër të tjera dhe për një shtatëzani që fatkeqësisht u ndërpre.
Ledion Liço: A ishte London një surprizë?
Sara Hoxha: London ishte me vetëdije të plotë. Ne kemi patur një shtatzëni përpara London, që fatkeqësisht u ndërpre në mes, sepse zemra e bebit pushoi së rrahuri. Dua ta them këtë, sepse është diçka që u ndodh shumë njerëzve, është shumë e trishtë, por dua që të kuptojnë që nuk është përfundimtare ajo ndjesi. Ti e mban mend se sa u mërzitëm për një fëmijë që ishte sa një kikirik, që as nuk e njohëm, dhe aty e kuptuam sa shumë donim që të krijonim një familje tonën.
