Një zjarr masiv ka rënë në malin e Taraboshit në Shkodër, ndërsa burime nga vendi i ngjarjes bëjnë me dije se zjarri ka rënë në ullishtat e fshatit Zues, të Njësisë Administrative Ana e Malit.
Të njëjtat burime thanë se zjarri po përhapet me shpejtësi duke rrezikuar disa banesa, ndërsa është kërkuar edhe ndihma e ushtrisë veç forcave zjarrfikëse, për të ndërhyrë në terren.
Pas kërkesës ushtria ka mbërritur në këtë zonë dhe i është bashkuar punës për vënien e flakëve nën kontroll dhe shuarjen e plotë të tyre.
