Ditën e nesërme Gjykata e Krimeve të Rënda pritet të vendosë për fatin e dosjes së çështjes së bujshme “Tahiri”.
Ish-ministri i Brendshëm ndonëse është nën hetim për trafikim të lëndëve narkotike në bashkëpunim me grupin kriminal “Habilaj”, Tahiri shfaqet krejt i qetë.
Siç duket, Tahiri ka publikuar në ‘story’, në rrjetet sociale një foto, ku shfaqet i veshur sportiv dhe hipur mbi kalë.
Por, një detaj i veçantë ka tërhequr vëmendjen, ndërsa Tahiri kalëron mbi kalin e zi dhe bëhet fjalë për shalën mbi të cilën po kalëron ish-ministri i Brendshëm.
Në fakt, ai kalëron mbi një shalë firmato e llojit ‘Hermes Cavale’ dhe kushton jo më pak se 7.5 dollarë.
“Ekuilibri, rehati dhe kontakti i ngushtë që ofron me kalin, e bëjnë atë një shalë ideale dhe shumë disiplinore”, theksohet në përshkrimin e shalës, në faqen zyrtare të ‘Hermes Cavale’.
Kujtojmë se ish-ministri i akuzuar për trafik ndërkombëtar droge poston vazhdimisht foto, duke shijuar fundjavën që pas “arrestit të shtëpisë” që i kishte vendosur gjykata.
