Kosovën e pret një transfertë e lehtë në letër përballë Ishujve Faroe në Ligën e Kombeve.
Dardanët vijnë në këtë takim të motivuar duke qenë se kanë fituar si në takimin e parë ndaj Ishujve Faroe, po ashtu edhe në takimin e pak ditëve më parë ndaj Maltës.
Me një fitore të mundshme, Kosova do të hidhte një hap të sigurt drejt vendit të parë në grupin e saj.
Sa i përket formacioneve, tekniku Bernard Challandes ka bërë disa ndryshime nga takimi i fundit ndaj Maltës, duke ulur në stol Kolollin, ndërkohë që Rashica e nis si titullar këtë takim.
Ky takim do të luhet në orën 18:00 dhe tashmë janë publikuar formacionet zyrtare, të cilët mund t’i shihni në tabelën e mëposhtme.
