Mustafa Nano kërkoi sërish ndjesë edhe në emisionin e tij “Provokacja”, pasi e bërë këtë gjë një herë në “Opinion”. Shkak për këtë ndjesë të dyfishtë u bë figura e keqe që ai bëri gjatë debatit me deputetin demokrat Ervin Salianji në emisionin “Opinion”.
Mbrëmjen e djeshme, emisionin e tij “Provokacja”, Nano e nisi duke kërkuar të falur për fjalorin aspak etik.
“Ka patur plot njerëz që më thanë bravo të qoftë. Por jo, sjellja ime ishte absolutisht e gabuar. Dola i humbur nga ajo studio dhe i humbur del kushdo që bën atë sjellje”, u shpreh Nano duke vazhduar: “ U bëra njësh me standardin e ulët dhe dhunova një standard timin dhe është ky fakt që më bën të mos jem krenar për ç’bëra e ç’thashë (lexo poshte).
“O Ko** kandari do shkosh në burg” si shpërthyen Muç Nano dhe Lenc Vangjeli pas videos së Salianjit
Por, në fakt, indinjata që shpërtheu në rrjet me analistin që shquhet për qëndrimet e tij kundër PD-së, nuk kishte të bënte me britamat kundër Salianjisit, as për faktin se i tha atij “Koqe kandari” apo “i përddorur”. Të tilla fyrje me ngritje zëri janë fatkeqësisht të shpeshta në studiot tona.
Gafa e Nanos dhe e kolegut te tij Lorenc Vangjeli ishte se ndërkohë që Salianjisi nxorri një video që sipas tij hidhte poshte versionin e Ramës dhe prokurorisë, ata në vend që të bënin rolin e gazetarit që përpiqet të kuptojë (dhe pastaj nëse bindet edhe mund ta hedhë poshte) , bënin rolin e zhurmuesit që s’lejon publikun të marrë vesh.
Ky qe mëkati i vërtetë i Nanos, fakti që gjaknxehtësia e vuri në një pozitë ku ai nuk do të kishte dashur të ishte. Por këtë ai nuk e ka konsideruar si nje gjë për të cilën duhet të bënte “mea culpa”./Lapsi.al/
