Kryetari i opozitës Lulzim Basha sapo ka dalë nga prokuroria dhe i ka dërguar publikisht një mesazh, kryeministrit Edi Rama.
“Kam një mesazh për Ramën dhe veglat e tij qorre në shtet, media dhe kudo. PD, unë dhe shqiptarët e vendosur për të larguar krimin nga politika, nuk trembemi, shantazhohemi dhe as impresionohemi nga makinacionet politike të shtetit privat të Ramës, por jemi të vendosur për të vazhduar deri në fund betejën për cmontimin e shtetit privat dhe çmontimin e diktaturës mafioze”-tha Basha, pas daljes nga prokuroria ku u thirr ne lidhje me kallezimin e Taulant Balles, kreut te grupit parlamentar socialist.
