Deputeti demokrat, Gent Strazimiri e ka cilësuar qesharak dhe të turpshëm statistikat e nxjerra nga Ministria e Brendshme, sa i përket vrasjeve në vend.
Në raportin e Ministrisë së Brendshme, 8 viktimat e masakrës së Vlorës, quhen vetëm si 1 vrasje. Sipas Strazimirit statistikat e Rilindjes janë si një varr masiv.
Ja postimi i Strazimirit:
“Statistikat” e Rilindjes si varr masiv!
Tabela tregon numrin e vrasjeve sipas Raportimit të Prokurorisë për vitin 2017, dhe ndryshe nga vëllai i Agronit numrat janë të gjitha me 3 shifra…
Pse?
Sepse për vëllanë e Agronit, dje në Mat fjala vjen kryetari i PS-së së fshatit ka kryer “një vrasje, me 3 viktima”, ashtu sikurse Ritvan Zykaj ka kryer “vetëm një vrasje me 8 viktima” ….!!!
“Shokët kriminelë, le të hapin varre shqiptarësh sa të duan, Fatja i Agronit gjithmonë “1” e shënon në tefter të hyqymetit;
“1” gur varri për të gjithë, “1” varr masiv!!!!
Cili është ndryshimi me kohën e Sali Berishës?
Kur ministër ishte Sokol Olldashi, Bujar Nishani, Lulzim Basha, Flamur Noka, statistikat tregonin humbjen e jetës së cdo shqiptari, dhe për secilin prej tyre kërkohej llogari!
P.S. Fate, falsifikimi i statistikave është vepër penale më vete! O ti, o e arta do veni në burg o lumadh…
