Xhisiela Maloku ka dyshimet e saj lidhur me tritolin që i vunë në banesën e gjyshit, shtëpi në të cilën banon ndërkohë. Në një prononcim për “Panorama” Xhisiela mendon se tritolin ia ka vendosur opozita, por pa dhënë detaje apo ngritur gishtin e akuzës në persona konkretë.
“Nuk ndihem e kërcënuar nga ish i dashuri, apo njerezit e tij, por nga opozita qe kerkon te perfitojë politikisht nga kjo ngjarje. Unë ndodhesha në banesë në momentin e shpërthimit, dhe ta pranoj që u trembëm shumë, pasi shpërthimi ishte i fuqishëm”- thotë ajo.
Xhisiela, tregon më tej, se nuk ka nevojë dhe as kërkon azil. “Unë dua mbështetjen e opozitës për të më mbrojtur nga opozita”– thotë ajo.
Ajo pranon se edhe pse kallëzimi i saj coi në burg Rexhep Rrajën, djalin e deputetit të PS-së, Rrahman Rraja, nuk ka asnjë problem me atë familje, përkundrazi.
“Unë kam komunikim te mire me familjaret e Rexhepit, ata po më qëndrojne pranë në këto ditë të vështira”– ka thënë ajo.
