Xhisiela Maloku akuzoi opozitën për shpërthimin me tritol pranë banesës së shtëpisë së gjyshërve të saj. Ajo akuzon PD se “po bën lojë politike”.
Pas kësaj deklarate të Xhisielës dhënë për mediat, ka reaguar gazetari Mentor Kikia, i cili shprehet se për këtë ngjarje “Nuk ia vlen të “vajtojmë”.
Teksa komenton qëndrimin e Xhisielës, e cila kërkon mbrojtje nga familja e ish të dashurit, Kikia shkruan, ““Pasi na hodhën bombën(ata të opozitës), unë kërkova ndihmë dhe mbrojtje tek familja e ish të dashurit”.
Tani s’na mbetet gjë tjetër veçse të presim. Askush të mos guxojë të bëjë më analiza, apo parashikime. Të presim dhe të shqyejmë sytë. Por ama të qeshim, po po të qeshim. Merreni me sportivitet këtë histori. Mos thoni: Po ç’bëhet mor aman! Apo: Këtu nuk jetohet më! Nga këtu duhet ikur një sahat më parë! Jo jo, thjeshtë gajasuni! Nuk është më një “Love story” me ndojë të rrahur, por një “komedi e zeze”. Nuk ia vlen të “vajtojmë”. Le të provojmë të qeshim. Ndoshta na del më për mbarë. Ky është një vend i mrekullueshëm. E ku ndodhin te tilla gjëra gjetkë”.
