Një 25 vjeçar u vetëvra me pistoletë në Roskovec të Fierit mesditën e së dielës, për shkaqe që ende nuk janë mësuar.
Edhe pse nuk dihen motivet që e çuan të riun drejt këtij akti, në dritë kanë dalë detaje të tjera. Viktima është Elsid Cufaj, i cili është dhe kunati i deputetit të Partisë Socialiste në qarkun e Fierit, Anduel Xhindi.
Më pak se një muaj më parë, Xhindi u martua me motrën të riut, i cili u vetëvra një ditë më parë.
I riu ishte i papunë dhe i varur nga përdorimi i lëndëve narkotike. Po ashtu, të njëjta burime, bëjnë me dije se i riu kohët e fundit ai kishte kërkuar ndihmë edhe te psikologët për të hequr dorë nga përdorimi i lëndëve narkotike.
Njoftimi i plotë një ditë më parë:
Sot rreth orës 11:55, në banesën e tij në Roskovec është gjetur i pajetë shtetasi E.I, 25 vjeç.
Paraprakisht dyshohet se shtetasi E.I ka vrarë veten me armë zjarri pistoletë.
Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarje.
