Gjykata e Krimeve të Rënda, nga Spitali Ushtarak ka vendosur që të lë në burg Ervis Martinajn, i cili mbeti i plagosur gjatë sherrit në ish-bllok.
Pasi ka përfunduar seanca e masës së sigurisë, avokati i Martinajt është shprehur se klienti i tij nuk ka asnjë lidhje me sherrin.
“Provat kundër tij nuk janë të mbështetura në asnjë nga kamerat që janë në dosjen e Prokurorisë. Martinaj nuk është përfshirë në konflikt. Me personin e vrarë ka një lidhje të largët. Gjykata ka vendosur për arrest me burg. Martinaj dhe Mata kanë marrëdhënie shumë të mira dhe shumë korrekte. Ka qenë i pranishëm por nuk ka qenë pjesë e këtij sherri. Në dosje nuk ka asnjë provë të vetme, apo ndonjë dëshmi që të ketë implikim Ervis Martinaj”, ishin këto fjalët e avokatit pas seancës.
