Sherri pas ndeshjes mes Khabib Nurmagomedov dhe Conor McGregor është tema e ditës në mediat botërore. Në fund të ndeshjes u vu re një sulm i Khabib mbi trajnerin e irlandezit, Dillon Denis. 30-vjeçari kapërceu kafazin dhe u sul tek ekipi i trajnerëve kundërshtar, pasi sipas tij i kishin ofenduar fenë dhe babain e tij.
Megjithatë duket se marrëdhënia e tyre nuk ka qenë e tensionuar dhe këtë e tregon dhe një foto e vitit 2014 kur këta të dy dukeshin si dy miq me njëri-tjetrin. McGregor ka folur për këtë fotografi dhe ka thënë se nuk ishin miq, dhe se Khabibi ka qenë fans i tij.
Meçi i arteve të përziera marciale “UFC 229” mes kampionit të peshave të lehta Khabib dhe McGregor në Las Vegas, përfundoi me një përleshje në tetëkëndësh, pas fitores së rusit në rundin e katërt.
Pasi McGregor ishte dorëzuar në rundin e katër, Khabibi e kishte kapërcyer kafazin dhe i ishte vërsulur ekipit të McGregorit duke e nisur kështu një përleshje të madhe. Për më tepër, McGregoi ishte grushtuar nga një person e ekipit të rusit.
Khabibi bëri një paraqitje dominuese nga fillimi deri në fund ndaj irlandezit, të cilin e dominoi duke e detyruar ta dorëzojë meçin pasi e la pa frymëmarrje duke e zaptuar në fyt në mega-meçin në “T-Mobile Arena” në Las Vegas.
Në konferencë për media pas mecit, Khabibi foli dhe për Putin dhe hodhi poshtë spekulimet se ka marrëdhënie të këqija me të, duke thënë se lideri rus e ka uruar për fitoren.
“Të gjitha mediat flasin për këtë, bëje një fotografi me Putinin, e gjëra të tilla. Ai sapo më ka telefonuar. Më tha se është shumë krenar me mua. Unë fitova dhe ai më uroi”, tha Khabibi.
